VSA kya hai? Volume Spread Analysis Urdu/Hindi mein
VSA (Volume Spread Analysis) candle ke size, us ke close aur volume ko saath parh kar batata hai ke bare players khareed rahe hain ya bech rahe hain. RTC (Rao Trading Concept) mein ye confirmation ki layer hai.
- Urdu / Hindi
- Free
- By Rao Umer, RTC
Effort vs result
Effort = volume, result = candle kitna chali. Agar bohat volume ke saath candle chhoti rahe to koi doosri taraf se absorb kar raha hai. Agar kam volume par price chale to us move mein jaan nahi. Poora lesson.
Ahem VSA signs
- Selling climax: neeche bari candle, bohat volume, close beech ya upar: bechne wale khatam, khareedne wale aa gaye.
- Stopping volume: girti market mein bohat volume, aage girawat ruk jati hai.
- No demand: upar chhoti candle, kam volume: khareedar nahi.
- Test: neeche ja kar kam volume par wapas: supply khatam hone ka saboot.
- Upthrust: upar ja kar neeche close, zyada volume: jaal.
News volume
CPI ya NFP ke waqt volume hamesha bohat hota hai; har bara volume asli khareed ya bech nahi hota. RTC mein news volume alag parha jata hai. High, ultra high aur news volume.
VSA aur SMC ek saath
RTC mein SMC batata hai kahan (zone, liquidity), aur VSA batata hai kya waqai (volume saath hai ya nahi). Zone par selling climax ya test mile to entry ka bharosa barhta hai. Wyckoff isi ki bunyaad hai.
VSA seekhne ki tarteeb
- Volume dekhna seekhein
Average se zyada aur kam volume pehchanein.
- Spread aur close
Candle ka size aur close range mein kahan hai.
- Effort vs result
Dono ka mel hai ya takrao?
- Background
Pichli candles kya keh rahi thin.
- Zone par confirmation
SMC zone par VSA sign ka intezar.
Ab ye parhein aur istemal karein
Aksar puche jane wale sawal
VSA kis ne banaya?
VSA ki bunyaad Richard Wyckoff ke kaam par hai; Tom Williams ne ise Volume Spread Analysis ka naam diya.
Forex mein volume asli hota hai?
Forex mein ek markazi volume nahi, broker ka tick volume hota hai. Phir bhi tick volume asal activity ke saath kaafi chalta hai aur VSA ke liye kaam deta hai.
Selling climax kaise pehchanein?
Lambi girawat ke baad ek bari neeche candle, bohat zyada volume, aur close candle ke beech ya upar. Iske baad aksar test aata hai.
VSA Urdu mein kahan seekhein?
raoumer.com ke free VSA lessons aur Rao Umer ki YouTube VSA playlist, dono Urdu/Hindi mein.
Ye taleem ke liye hai, financial advice nahi. Trading mein nuqsan ka khatra hai; sirf utna risk lein jitna kho sakte hain.